Safari ya Penseli Pisho

VITUKO VYA KUSISIMUA VINAVYO FUNDISHA SOMO LA MAISHA

Hadithi inayofundisha stadi za maisha. Hii ni hadithi kwa watoto wenye umri wa miaka 8-9 (Gredi 4). Ni kitabu kinachofundisha uvumilivu na jinsi ya kutokata tamaa maishani.

Pisho, penseli, anatoweka kutoka kwa Musa, mmilikaji wake. Anapodhani amepata uhuru kwa kutoroka, anakumbana na masaibu chungu nzima katika safari yake. Mathalani, anatumiwa kutoa nta masikioni, anatumiwa kama brashi na kuwa mlingoti wa bendera. Isitoshe, wakati mwingine anatafunwatafunwa kama chakula. Je, Pisho atastahimili masaibu haya yote? Ataweza kurejea nyumbani siku moja?